القائمة الرئيسية

الصفحات

صموئيل فايق يكتب: ليه يا دنيا

أكتر من كده يادنيا إيه

حتي الاختيار عليا صعبتيه

ختي مني أمي

فاضلك تاني إيه

أصحي وأنام

ألاقي نفسي لسه بدفع ليه

حتي أخويا فارق الدنيا

بسببي مارحمتيه

وراح عند الغاليه

كان ونيسي وبتسند عليه

كسرتي ضهري

ليه يادنيا كل ده ليه

مش كان كفايه حب عمري

علشان فقير مني ضيعتيه

قالوا أتعلم

كنت أشطر واحد تشوفيه

وأخرتها يادنيا إيه

فاضلك حاجه تانيه

بعد إللي مات وإللي ضاع

وفي السجن رمتيه

والشهاده إللي تعبت سنين عشانها

وأنتي خلتيني للفقر تحتيه

في العلم تعبت واجتهد وفي الأخر فاعل أشتغلت

حتي راحه البال والأمل مني ختيه

خلتيني وحيد وسط أهلي

وعاوزاني أسيب بلدي واهاجر ليه

لا يادنيا قراراتك مش هامشيها

قاعد لأخر يوم في عمري

هاشقي وأتعب وأدفن فيها

والظروف الصعبه

هاييجي يوم وأعديها

ولو ليكي حاجه تاني

إتفضلي خديها

ليه يادنيا ليه

خلتيني عاجز

وسط ولأد إلإيه

تعليقات

التنقل السريع