القائمة الرئيسية

الصفحات

اسحق حنين يكتب: هاقفل الباب

خلاص ارجوك أخرج

وبلاش عتاب

انت مش غلطان

ولا انا كمان

كل ما قرب تتباعد

اتواصل معك تتمايل

أسألك مالك

دايما يكون ردك مش رايق

طب خلاص .وسلام

بطلت أجري وراء أوهام

لأن القلب أصبح تعبان

ما عنده حيل للمناهده

وصعب يرجع زي زمان

أبعد بعيد بدون رجعه

لأن الحياة مش عليك واقفه.

مش هاقف محلي سر

ونتظر لي لحظه تحن

خلاص أخرج من حياتي

بس سيب الباب موارب

خلي الكلمه الطيبه بنا

لا نجرحك ولا تجرحنا

بلاش تدوس ع جرح

لأن اكيد هيجي يوم ويخف

وان فكرت يوم ترجع وتحن

هاكون انا بقي اللي اتغيرت

وتقفل باب قلبي

وما في منفس الهواء يعدي

لأن من كتر اللي حصل لي

قفلت قلبي لانه مش عارف

يعوم مع التيار.

ولا قادر في يوم يكون صياد

هيفضل زي ما هو

يبقي البعاد عن الكل

أصبح أفضل قرار

خلاص كده

هقفل الباب

تعليقات

التنقل السريع