القائمة الرئيسية

الصفحات

صموئيل فايق يكتب:هتكلم صعيدى


هاتكلم صعيدي

هتفهمني ياقريبي

الزرعه إللي زرعتها بأيدي

وكلتها للجاموسه في بيتي

شرب من لبنها إبني هريدي

ياحلاوه اللهجه الصعيدي

عاداتنا وتقاليدنا طوق في رقابينا

عزوتنا رجال مش مال في إيدينا

الله عليك ياجد لما تحاكينا

وألعاب زمان تورينا

وحب بلدنا تزرعه فينا

نعتب علي الناس إللي مش فاهمنا

نتكلم بلهجتنا يتريقو علينا

أحنا الصعايده أدينا

في أي بلد ادينا

يقولو جدعنه ورجوله مفيش زيينا

أنا هتكلم صعيدي

وعاداتي وتقاليدي

هامسك فيها بسناني وأيدي

وإللي مش  عاجبه هاكسر دماغه

بعصاية سيدي

يارب تفهمني ياقريبي

علشان خلقي ضأق

وكرهت العيال إللي بتتنطط علي الشباك

وتضحك من غير سبب ومعندهاش أخلاق

ويقولوا علينا إقفال

ماشي يا إللي خيبتك تورثها لأجيال

أحنا الشهامه والرجولة بأدينا نهد جبال

يابو أيد ناعمه تلبس جونت علشان تمسك الخيار

الشق في أيدينا أصاله مش قله مال

معدن عليك تسبسب شعرك وتمشي وري البنات

مالها بنت عمك قطر الجواز عليه فات

مهو من خيبتك يا غراب

زي القرع تمد للأغراب

ترجع تاني وتقول إقفال

ماشي يا ختال

يا إللي متسواش جنيه في سوق الرجال

أقفل خشمك لأضربك بالفنجان

أعرف مقامك

وحاسب علي كلامك

أحنا أسيادك

مسمعش صوتك خساره عتابك

آه ياكتر اغلابي

إللي بتترمي قدام بابي

خلاص سديت نفسي بكلامك

إللي طالع من لسانك

أنا الصعيدي سيدك وتاج رأسك

ماشي ياعم الشقيان

هاسكت علشان أعيش في أمان

أنا زيك وأنت زييي إنسان

تعليقات

التنقل السريع