القائمة الرئيسية

الصفحات

مرثا اسحق تكتب: مين غيرك

مين غيرك

مين غيرك إنت يحس بى

ويعوض عن كل حنية

وترجع ألفرحة إلبهية

لكل إلناس ألمنسية

وتقرب ألقلوب ألمستقوية

ياكاشف الأسرار ألمخفية

وسط الدنيا بلاوى كتير متدارية

غير إنت القلوب العفية

وحرر النفوس إللى بتدوس عليها البشرية

ودافع عن النفوس الضحية

طالبينك إنت تشفى الأمراض ألمستعصية

وتغفر كل إلزنوب وإلخطية

وتيجى تانى تأخذنا الامجاد ألسماوية

وتنسينا حياتنا الارضية

لان معك الحياة الأبدية

ونفرح معك بالفرحة البهية

يا واهب كل حبك لى

لما أشتاق أقول أقول يا بابا

بألقاك إنت أبو ألغلابة

ولما أحن لحضن إمى

حنانك إنت بيلهممى

لما أبقى. نفسي أفضفض ويا أخويا

ألاقى إيديك محاوطة كتافى

وتقبل منى صراخى

أما أفكر يبقى لى صديق يمسح دمع عينى

أشوفك إنت خلى ورفيقى

معايا فى فرحى وضيقى

ولو فى يوم قولت لنفسى

مافيكى حاجة عجبانى

أسمع صوتك يونادينى

حبيبتى قابلك بكل عيب فيكى

ده إنت بنتى وصنع إيدى

بأشوف صورتى أنا فيكى

إنت روحى يا مشكلنى ع صورتك ومثالك

نقشت ع كفك إسمى ياإللى

حبك شمس نهارى

إيه يوفى عظم حبك يا إللى

بيشع نور حبك فى ظلامى

حبى لك بيجرى ف فروعى

شوقى لك غامرنى لجزورى

خلانى أعلن بكل سرورى

لكل ألعالم حبى لك يا أصل نورى

بأحبك إنت يا نور لدربى

وروحك شمعة مشتعلة ف قلبى

تعليقات

التنقل السريع