القائمة الرئيسية

الصفحات

صموئيل فايق يكتب: مش اختيارنا

ليه إحنا

يتقرر إختيارنا

والفرح ينسانا

وإحنا أيامنا

في الحزن وخدانا

ليه يادنيتنا

مقرري إختيارنا

ودايسه علينا

في عز إحتياجنا

ناس بتدوس علي ناسنا

موتوا فينا إحساسنا

كله عايش علي حسابنا

والأيام نسيت أعذارنا

حزانا علي نفسنا

والبكي ضيع صوتنا

مش عارفين إيه ذنبنا

وليه الفرح مفارق قلوبنا

الهموم دوبت نومنا

والسهر كرهنا في أيامنا

عاتبين عليكي يادنيتنا

الرحمه في الهم غرقانا

وسايبا القلوب

الصافيه حزانا

حتي لحظات الفرح

من بعيد بتقول إنسانا

وأحنا أدينا في مكانا

مش عاجب حد حالنا

ولا في يوم طيبوا خاطرنا

كله يبص علينا

ويمشي ويسبنا

مش عارفين العيب فينا

ولا في إللي حولينا

وقررنا هانبقي وحدينا

ولما نقع نتسند علي إيدينا

ونغلب الدنيا

وعلي همومها نحط للفرح أعلام

ونقول عدينا

علشان بالصبر والعزيمه

بيهم تبني لنفسك

أحلي مدينه 

تعليقات

التنقل السريع