القائمة الرئيسية

الصفحات


يارب انا مين

انا من تراب وليه هعود

وده فكر راسخ في عقول

وإيمان كل البنادمين

كم وعد اعطيتك.

وكم من العهود.

سريع التغيير.وانت الأمين.

مزاجنجي وده طبع البشريين

وقت الشدة أجري عليك..

وفي الفرح أنسي اسجد ليك.

وفي المرض والكرب استغيث بيك

ولما ترفع.أمشي ومافكرش فيك.

حتي كلمة شكرا استخسرها عليك

أيامي وسنيني محسبوبه...

ويمكن اليوم مفتوح باب التوبه.

طيب بكرة .او بعده .مش مضمونه

انا اكون .او انت تقفل ما تفتحليش

تقولي ده انا كنت منتظرك

كتير بس انت يا بني ماجيتنش

باعرف انك بتحبني.

ومن أنياب الذئاب بتشلني

بتقول اني خروفك .ومابتسبنيش.

وتطبطب عليا وتلمس ولجروحي انت تداوي

وتحضن برفق روحي .

وتقول ما  تخافشي

مهما موج العالم خدني..

بعدك بتقول انت ابني

وعندك أمل فيا.اني ارجعك.

ليه.كل ده وليه انا بتعمل معي كده

ولامتي هتفضل مستني

لا انا.ما ستهلش..كل العطف ده

انا مين.وانت مين.

انا العبد ذليل حقير

وانت الملك والاله المحب والغفور 

تعليقات

التنقل السريع