القائمة الرئيسية

الصفحات

صموئيل فايق يكتب إختيارنا


الزمن  أذانا

والفرح نسانا

وإحنا أيامنا     

في الحزن وخدانا

ليه يادنيتنا             

مقرري إختيارنا

ودايسه علينا           

في عز إحتياجنا

ناس بتدوس علي ناسنا

موتو فينا إحساسنا

كله عايش علي حسابنا      

والأيام نسيت أعزارنا

حزانا علي نفسنا

والبكي ضيع حسنا

مش عارفين ايه زنبنا

وليه الفرح مفارق قلبنا

الهموم ضيعت نومنا     

والسهر كرهنا في ليلينا

عاتبين عليكي يادنيتنا      

الأحزان  فيكي هدتنا

والفرحه منك ماشيه 

وتايها عن سكتنا

وسايبا القلوب الصافيه

في الهم غرقانا

حتي لحظات الفرح سايبانا

ومن بعيد بتقول إنسانا

وإحنا أدينا في مكانا

ومش عاجب حد حالنا

ولا في يوم طيبو خاطرنا

كله يبص علينا

ويمشي ويسبنا

مش عارفين العيب فينا

ولا في إللي حولينا

وقررنا هانبقي وحدينا

ولما نقع نتسند علي إيدينا

ونغلب الدنيا وعلي همومها

نحط للفرح أعلام ونقول عدينا

علشان بالصبر والعزيمه نبني

 بيهم أجمل مدينه بإدينا

ونخلي أرضها ورد

وحيطانها نور أمانينا

تعليقات

التنقل السريع