القائمة الرئيسية

الصفحات

 

متعجل للنهايه 

وصاحي ليه من بدري

هو القبر نداك 

ولا انت ليه بتجري 

كل ما أشد عودي

ينكسر يا ابني

سافرت لبعيد

وللمنيه ما تدري 

تمن الغربه ادفع 

والحزن سكن جانبي 

صبر ايوب فين 

علشان ليه احكي 

ضاع زهرة العمر 

وظهر المستخبي 

يا ريت كنت مت

قبل ما اشوفك في الكفن يا ولدي

واشيلك بايديه 

وعند قبرك أبكي

جرح الايام عذاب

ولمين خلاص اشكي 

رحلت قبل الميعاد 

وصممت على هجري

فاكر لما قولتلي سلام

وكنت محتاجلي 

ودعتك بدون كلام 

وانا ليك مستني

علي امل الرجوع 

ولحضني تأوي 

اتاريك في تابوت راجع 

وكترت همي

صبر السنين محتاجه 

وضاعت الفرحه مني 

أصبحت صوره ببرواز 

وده آخر صبري

طاب لو سال عنك الناس 

اقول ايه واحكي 

مات مني الاحساس 

ومستني اللقي يا ابني


تعليقات

التنقل السريع