القائمة الرئيسية

الصفحات

صموئيل فايق يكتب إحنا الصعايده


قالوا علينا صعايده

لإننا مبنحبش الدلع والحـيال

وعلي راسنا عِمه

وفوق كتافنا شال

ومتربيين علي الإصول

وأفعالنا يتقال فيها أمثال

وبنتحني ونبوس علي إيد 

الأب والجد والعم والخال

وكل الصعايده أهل كرم

ودي حقيقيه مش خيال

ومقامنا عالي وطبعنا حامي 

ولما تعاملنا تلأقينا أرجل الرجال

وكل واحد فينا

في مكانه خْيِاَل

ومن وإحنا صغيرين

قصاد بيت الست فريال

لما كنا بنلعب

أنا وشوية أطفال

كان باين علينا الأصاله

وقتها مافهمناش الحال

ولما كبرنا شويه

وشالت كتافنا أحمال

زادت علينا المسئوليه

وعرفنا قيمه الريال

 وفي أصعب الظروف

 صابرين زي الجمال

وفي الحق راسنا ناشفه

أكتر من صغر الجبال

وفي الحكمه معلمين

وبنكره كلمة إقفال

ونعادي إللي يقولها

وأخرة عندنا شيال

وخساره فيه لقب راجل

يروح يلبس حلق وخلخال

إحنا الصعايده وعلشان تفهمنا

لأزم تتعب وتمشي أميال

وتزونا ونضايفك وتعرف

فين وكيف بتتصنع الرجال

تعليقات

التنقل السريع