القائمة الرئيسية

الصفحات


في الغربه عن الأحباب

الوحده تفردلك الطرحه

أول ماتخطي بري الباب

تحس بالعذاب

متغرب علشان غيرك

لتفرد قدامه الفرحه

تدفع كتير

والدنيا ليك مش مسامحه

تعيش وحيد 

وأفكارك في إللي ليك سارحه

تشقي وتتعب 

والهموم ليك فارده

تضحك قدام الناس

يقولو هي مش صعبه

بعيد عن أهلك تهزر

والسكينه في قلبك شارده

العيون تبصلك

وللجواك مش عارفه

سنين من العمر بتعدي

والأيام مش فارقه

ترجع كل فين وفين

وتمشي وإيديك متكتفه

تجري وري الرزق 

وفي الشغل عنيك متسبة

دنيا دايره وبدور

وحولينا مدوره

وكتر الهموم

يخلي الضحكه متغيره

أشكيكي يا غربه لمين

وأنتي علي الكل معلمه

تعليقات

التنقل السريع