القائمة الرئيسية

الصفحات


هاراجع تفاصيل حياتي

وبإيدي من تاني هارتبها

هاعرف إيه أولوياتي

وأيام الحزن هابدلها

هاعيد من تاني ذكرياتي

وكل الخطوات هاحسبها

بالبسمه هالون أيام حياتي

وأحاسيس الفرح مش هاخبيها

هازين  بيهم كل سهراتي

وعيوني هاترسل نظراتها

لكل إللي يحب حياتي

وهأرقص أنا وحبيبها

أتمايل فرحان علي طرقاتي

المزينه بالزهو وريحة عطرها

وبالشوق والحب أقرب خطواتي

حياتي وهاعشها بحلوها ومرها

وعيون الناس هاقبلها بإبتسماتي

وكل إللي هايقبلها ويحبها

أهديه من قلبي أغلي سلاماتي

وأتحكم في أحسيسي كلها

ومع الزمن أظبط حسباتي

وجنحات الفرح توصلني سماها

أعيش كل لحظه في حياتي

وهاحب تفاصيلها بكل مافيها

هادوس وأعدي علي أهاتي

وبأعلي صوتي هاردت أغنيها

وبعد كل غنوه تزيد إبتسماتي

وأقفل عيوني علي أسرارها

ولكل إللي حوليا تقديري وتحياتي

تعليقات

التنقل السريع