القائمة الرئيسية

الصفحات

صموئيل فايق يكتب أبطال وبتختار


أبطال ومن بعدهم أبطال

ولأزم بعد الليل يطلع النهار

حتي ولو وقت الضلمه طال

وجنودنا رافعين رايات الإنتصار

فدائيين وشيالين أحمال

 ويتعملهم مليون إعتبار

وحوش وقت القتال

عيون سهرانه نظرتها شرار

حتي ولو إتكتفو بالحبال

بحبهم لوطنهم يحرقوها زي النار

جندي أو ضابط أوجينرال

لحب مصر بيكون الإختيار

تختلف الرتب لكن كلهم أبطال

وبإم الدنيا بيكون الإفتخار

ومفيش حاجه إسمها أعطال

وقت مايصدر البيان والقرار

الكل يلبي النداء حتي ولو أطفال

وبحر البقر شاهده إنه في الأبطال إحتار

لإنهم إسود واقفه وسط الجِبال

وعيونهم علي العدو زي الفنار

هو ده جيشنا قوه في الإحتمال

كلهم عزيمه وصدق وإسرار

وفي صبرهم تقول جِمال

وغضبهم زي هيجان البحار

صاحيين وجاهزين للأي إحتمال

بشجاعتهم الوطنية ليهم بتختار

حضارة ألأف السنين ومدن بالأميال

ومن قديم الزمان في العطاء أنهار

إحنا أحفاد الفراعنه أبطال

وكل الشعوب فينا  بتحتار

ولأجلك يامصر بيكون النضال

ولرفع رايتك لفوق الإختيار

علشان تبقي من الأبطال

لأزم لحب وطنك تختار

أبطال وبتختار

تعليقات

التنقل السريع