القائمة الرئيسية

الصفحات

صموئيل فايق يكتب بكتب بالعامية


قالو عني كلام جرحني

علشان بكتب بالعاميه

دي لهجةأم الدنيا وطني

وبحبها لهجتي المصريه

أنا مزعلتش بجد فرحني

لإني إعتبرته منهم هديه

لكن إللي عايز يهدني

هاقوله سلأم من غير أزيه

وفرحت أكتر من إللي راجعني

وكمان من إللي قال الله عليه

لإن حسيت إنهم بيحبوني

مش حاجه وخلاص معديه

ولقدام بيقوني ويشدوني

علشان لهجتي علي قلوبهم غاليه 

وكتير من الحبايب بتشجعني

لإن حكاياتي بالحب متحنيه

وبيتكررو بينهم كل يوم والتاني

وبيهم في ناس فرحانه ومغنيه

يبقي هاكتب وأرتب حروفي من تاني

وفرشات الأمل ترفرف حواليه

ومش هايهمني الحاقد والأناني

حتي ولو بعتلي نظرات أسيه

طريقي هاكمله بكلماتي وألحاني

وأفرح كل الناس إللي للجديد مستنيه

تعليقات

التنقل السريع