القائمة الرئيسية

الصفحات

نادى عزت يكتب خلصينى من قيودك


خلصينى من قيودك 

نفسى ارحل بسلام 

نفسى احس بوجودى

لما اترك  الأنام 


عايش فيكى ميت

وانطفت خلاص الاحلام  

حبيت خلاص السهر 

وطار من عيونى المنام


بتقولى حبتينى 

على ايه الكلام

سأل الدمع على خدودى 

من كثر الآلام


حان الوقت لرجوعى 

وكفايه اوهام

صرخ القبر بيندهلى 

وباقى على الرحيل ايام


هداوى لوحدى جروحى 

وكفايه ملام

لو شفايه فى ايديكى

 أمشى خطوه للامام 


عارف انى ارجع وحيد

واطير أبراج الحمام 

واشعارى اكتبها في غيابك

متغلغلا بداخلى الإلهام 


اطرق أبواب الرحيل 

واترك خلفى الأوهام 

رجعه بتقولى بحبك

بعد ضياع الأيام 


اسرد ذكراكى فى الغروب

والشمس تغرب  بسلام

وان كان على وجودى

افتكرينى فى الاحلام 


بعتينى يوما بالرخيص  

واشيائى ضاعت بلا المام 

اطلالا أصبحت فى ادراجك  

واعدمت فى حبك بلا أحكام

تعليقات

التنقل السريع